Возеле пијани, без возачка дозвола, со забрана и во спротивна насока – шестмина приведени низ Македонија

Шест возачи биле лишени од слобода во изминатото деноноќие на различни локации низ државата поради безобѕирно управување со моторно возило, информира Министерството за внатрешни работи.

Според МВР, тројца од нив управувале возила без положен возачки испит. Станува збор за Б.М. (34) од Батинци, 16-годишник од Морани и Ф.К. (32) од Големо Коњари, кој истовремено бил и под дејство на алкохол.

— реклама —

Под дејство на алкохол возел и С.А. (53) од делчевското село Град, кој претходно предизвикал сообраќајна незгода со материјална штета.

— реклама —

Полицијата го лишила од слобода и А.А. (38) од Прилеп, кој управувал возило и покрај активната забрана за управување, а бил и под дејство на алкохол.

Шестиот возач, М.Е. (66) од тетовско, бил затекнат како управува патничко возило во спротивна насока.

— реклама —

Сите шест случаи се квалификувани како кривично дело „безобѕирно управување со моторно возило“ по член 297-а од Кривичниот законик.

По целосно документирање на случаите, против возачите ќе бидат поднесени соодветни кривични пријави.

Од МВР апелираат до граѓаните да ги почитуваат сообраќајните правила, да не управуваат без возачка дозвола, под дејство на алкохол или со активна забрана, како и да ја почитуваат пропишаната насока на движење.