Управата за хидрометеоролошки работи информира дека денеска времето ќе биде сончево и топло со мала до умерена облачност.
Ќе дува слаб до умерен северен ветер, а на одредени места повремено и засилен.
Попладне, особено во јужните делови од државата, ќе има услови за локална појава на пороен дожд, грмежи, засилен ветер и изолирана појава на град.
Максималната дневна температура ќе се движи од 23 до 30 степени.
Во Скопје времето ќе биде сончево и топло со мала до умерена облачност и слаб до умерен северен ветер. Температурата во главниот град ќе достигне до 29 степени.
Според мерењата на УХМР, најстудено утринава било на Попова Шапка со 6 степени, а најтопло во Скопје – Зајчев Рид, каде биле измерени 15 степени.
Во изминатите 24 часа најмногу дожд наврнал во Кавадарци – 5 литри на метар квадратен.
