Времето викендов: денеска пролетно топло, утре облачност со можен дожд

Денешното саботно утро во Македонија донесе поладно време за разлика од изминатите неколку утрини, а времето е сончево со појава на локална позначителна облачност, а во дел од котлините има појава на магла или на ниска облачност. Претежно е тивко.

— реклама —

Најниска температура до 7 часот утринава беше измерена во Берово, и тоа -4 степени, додека во исто време највисока минимална температура беше измерена во Крушево, и тоа 3 степени.

— реклама —

На табелата можете да ги погледнете и останатите температури на воздухот измерени ова утро по градови и места низ Македонија, и тоа на мерните станици на УХМР.

— реклама —

Инаку и денес (сабота) на повеќе места ќе имаме пријатни пролетни температури на воздухот, кој ќе бидат значително натпросечни за овој дел од годината и на многу места тие ќе надминуваат 10 степени, а во најтоплите југоисточни предели тие ќе се искачат дури и до близу 20 степени.

— реклама —

Утре (недела) ќе има поголема облачност и ќе има појава на повремен локален дожд со послаб интензитет, на високите планини (над 1700/1800 метри надморска височина) ќе има послаби врнежи од влажен снег.