Времето идниве денови: нема да има само сонце...

Рано-летните температури, слични на оние кои ги имавме во изминатиов период, ќе се задржат денес и утре (понеделник 5 мај).Времето ќе биде сончево со појава на умерена локална облачност, а повремено ќе засилува и ветерот од западен и од југозападен правец, особено во западните предели.Сепак, утре (понеделник 5 мај) ќе ја почувствуваме промената на времето. Поточно, во попладневните часови ќе се создаваат услови за изолиран развој на грмотевични облачни јадра од кои се очекува појава на краткотраен пороен дожд, грмежи и засилен ветер во зоната на нестабилност.И во Скопје и околината денес и утре (понеделник 5 мај) ќе се задржат високите температури, а утре (понеделник 5 мај) во попладневните часови во делови од котлината ќе има услови за краткотраен дожд и ретки грмежи.

Македонија | пред 6 месеци

Температури и до 30 степени - убаво време нѐ очекува викендов

Викендов територијата на Република Македонија ќе биде под влијание на стабилна, сува и топла воздушна маса од југ. Во ваква ситуација, времето кај нас ќе биде сончево и топло со мала до умерена локална облачност. Повремено ќе засилува ветер од променлив правец.И во Скопје и околината викендов ќе имаме сосема слично време како и на другите места од нашата Македонија.Што се однесува до температурите, тие ќе бидат рано – летни и ќе се искачуваат во интервалот од 23 до 30 степени. Во Скопје и околината максималната температура викендов ќе се искачи до околу 30 степени.

Македонија | пред 6 месеци

Прогноза за денеска и утре: Сибирски студ, па циклон и температури и до -10

Поради продор на многу ладен бран директно од Сибир кон Македонија, ќе дојде до формирање на секундарен снежен циклон, а температурите ќе опаднат за 10 до 15 степени во однос на оние кои ги имавме вчера. Токму овој циклон ќе условува пообилни врнежи кои на повисоките населени места и на планините, како и на скијачките центри, да преминуваат во врнежи од снег во повеќето пониски места (градови). Сето ова ќе биде проследено со повремено силен ветер од северен правец (над 65 км/час).Во понеделник (7 април) под влијание на многу ладниот воздушен бран со потекло од Сибир, ќе биде невообичаено ладно за месец април и со температури далеку под просекот за овој период од годината и истите ќе бидат пониски од просечните дури и за повеќе од 10 степени.Времето ќе биде променливо облачно со локално провејување на снег. Ќе дува повремено засилен ветер од северен правец (повремено и локално со брзина од над 60 км/час).И во Скопскиот регион во понеделник (7 април) ќе имаме променливо и многу ладно време за овој период од годината. Повремено ќе дува засилен ветер од северен правец.Што се однесува до температурите, наутро речиси насекаде тие ќе бидат негативни, односно под нулата и ќе има појава на мраз и температурите ќе се спуштаат во интервалот од -7 до 2 степени, додека на планинските места тие ќе се спуштаат до околу -10 степени. Максималните дневни температури кај нас во понеделник (7 април) ќе се искачуваат во интервалот само од 1 до 10 степени. Во Скопје максималната дневна температура во понеделник (7 април) ќе се искачи до околу 6/7 степени.

Македонија | пред 7 месеци

Нема фотографија

Се очекува снег во источните предели од нашата Македонија

Денес (недела) ќе имаме повеќе облачност над Македонија, но студот полека ќе попушта. Во источните предели и тоа особено во вечерните часови и во текот на ноќта кон утрешниот ден (понеделник) ќе има послаби врнежи кои ќе бидат од дожд или од дожд и од снег во градовите а на повисоките населени места, и на планините ќе врне само снег. Ќе биде претежно тивко и без некој изразен ветер.Во Скопје и околината денес (недела) ќе имаме повеќе облачност.Што се однесува до температурите, тие во текот на денов ќе се искачуваат во интервалот од 3 до 10 степени. Во Скопје максимумот на температурата денес ќе се искачи близу 10 степени.Слаби локални врни од дожд и од снег ќе имаме и утре во текот на денот.

Македонија | пред 8 месеци

Температурите ќе одат до -20 степени: Ладно време го зафаќа Балканот и Македонија

Целиот Балкан ова утро има исклучително ладно време, а постепено облачноста насекаде се намалува. На многу места температурите во регионот се спуштаат до близу, па и под -10 степени. Во делови од Балканот температурите се спуштаат дури до, па и под -15 степени. Понатамошен пад на температурите ќе имаме и понатаму, па така во текот на следните утрини во регионот, како и во нашата Република Македонија има можност температурите да се спуштат и до близу -20 степени.Денес (19.2.2025 среда) од пладневните и попладневните часови во нашата Република Македонија ќе настапи целосно разведрување на времето, а ќе продолжи да дува повремено засилен ветер од северен правец, особено Во Повардарието и со брзина локално и повремено од над 60 км/час.Температурите преку денов на многу места ќе се искачат само за неколку степени над нулата, а само во југоисточните предели тие ќе надминат за некој степен над 5 степени. Сепак, да напоменам дека понекаде, особено на повисоките населени места, планините, секако и Скијачките центри температурите и преку денов ќе бидат негативни, односно под нулата.И во Скопје во текот на денов ќе настапи целосно расведрување на времето, проследено со повремено засилен ветер од северен правец.Од крајот на денов и во вечерните часови, кон утрешниот ден (четврток 20 февруари) температурите ќе бидат уште пониски од сега, што значи ќе имаме исклучително ладно време со температури кои на повеќе места ќе се спуштаат до близу -10 степени, локално и под -10 степени, а во Беровскиот регион, повисоките населени места, планините, и секако Скијачките центри температурите ќе се спуштат до близу -15 степени, а не се исклучува можноста тие да се спуштат и под -15 степени.

Македонија | пред 8 месеци

(Видео) Во Скопје снег: еве што да очекувате од времето деновиве

Полека од север кон Македонија пробива влажниот и ладен воздух, кој понатаму ќе условува кај нас врнежи од дожд, снег, северен ветер, како и зголемување и проширување на снежната покривка. Утрово, во Скопје има обилни паѓања на снег.Под влијание на руски поларен, но сув воздух, од среда, па во деновите потоа ќе имаме разведрување на времето, како и исклучително ниски температури на воздухот, особено наутро кога тие насекаде ќе се спуштаат под нулата, а на повеќе места тие ќе се спуштаат до близу, па и под -10 степени, додека во Беровскиот регион, на повисоките населени места, планините, како и на Скијачките центри, тие ќе се спуштат до, па и под -15 степени.Преку денот пак исто така ќе биде ладно, кога температурите ќе се спуштаат во интервалот од -2 до 7/8 степени во југоисточните предели од нашата Република Македонија.Што се однесува до Скопскиот регион, со овој поларен Руски бран, наутро температурите ќе се спуштаат до околу -7/-8 степени, а преку ден тие ќе се искачуваат до околу 5/6 степени.Токму поради овој продор на Рускиот поларен воздух кај нас, насекаде ќе имаме појава на силен мраз, особено во ноќните и во утринските часови.

Скопје | пред 8 месеци

Времето викендов: денеска пролетно топло, утре облачност со можен дожд

Денешното саботно утро во Македонија донесе поладно време за разлика од изминатите неколку утрини, а времето е сончево со појава на локална позначителна облачност, а во дел од котлините има појава на магла или на ниска облачност. Претежно е тивко.Најниска температура до 7 часот утринава беше измерена во Берово, и тоа -4 степени, додека во исто време највисока минимална температура беше измерена во Крушево, и тоа 3 степени.На табелата можете да ги погледнете и останатите температури на воздухот измерени ова утро по градови и места низ Македонија, и тоа на мерните станици на УХМР.Инаку и денес (сабота) на повеќе места ќе имаме пријатни пролетни температури на воздухот, кој ќе бидат значително натпросечни за овој дел од годината и на многу места тие ќе надминуваат 10 степени, а во најтоплите југоисточни предели тие ќе се искачат дури и до близу 20 степени.Утре (недела) ќе има поголема облачност и ќе има појава на повремен локален дожд со послаб интензитет, на високите планини (над 1700/1800 метри надморска височина) ќе има послаби врнежи од влажен снег.

Свет | пред 9 месеци

Очекувајте врнежи, пообилни во западните предели

Пов влијание на влажен воздушен бран од Медитеранот, денес (среда, како и утре, четврток) во Македонија ќе имаме променливо облачно време со повремени локални врнежи од дожд, кои во западните предели повремено ќе бидат поројни и со услови за ретка појава на грмежи. Повремено ќе засилува ветерот од јужен и од југоисточен правец.И во Скопскиот регион за време на овој влажен Медитерански бран ќе има појава на повремен дожд со послаб интензитет. Повремено ќе дува слаб до умерен ветер од јужен и од југоисточен правец.Да напоменам, дека повремено на повисоките планини со надморска височина од над 1600/1700 метри ќе има врнежи од дожд и од снег, или влажен снег.Температурите пак ќе се искачуваат во интервалот од 7 до 15 степени, во Скопје таа ќе се искачува во интервалот помеѓу 13 и 15 степени.

Македонија | пред 9 месеци

Од овој петок разведрување, наутро температури и под -10 степени

Од овој петок, па за време на викендот ќе имаме стабилизирање и целосно разведрување на времето во Македонија, и истото ќе услови да имаме многу студени ноќи у утра, кога температурите насекаде низ Македонија ќе се спуштаат под нулата.На повеќе места температурите се очекува да се спуштаат под -5 степени, односно близу -10 степени, а во делови од Македонија тие ќе се спуштаат и под -10 степени, односно до близу -15 степени.Од друга страна пак, максималните дневни температури ќе бидат во постепен пораст, па така од петок и за викендот насекаде ќе бидат над нулата, со исклучок на високите планини и Скијачките центри.После ова, на повидок и тоа по 20 јануари се нови многу ладни продори од север  и од северисток кој ќе условуваат многу ниски температури на воздухот, а ќе донесат и нови снежни врнежи. Состојбата околу ова постојано ќе ја следам и јавноста навремено ќе биде информирана токму околу оваа ситуација.

Македонија | пред 9 месеци

Предупредување: Од следните часови ни започнува силното снежно невреме

Од денешната саботна вечер започнува големиот снежен бран насекаде во Македонија, кој како што и претходно кажав ќе биде во вид на снежно невреме, што значи врнежите ќе бидат доста обилни и проследени со засилен ветер од северен правец (повремено со брзина од над 60 км/час), па вечерва, кон утрешниот ден (недела) врнежите насекаде во Македонија ќе преминуваат само во врнежи од снег.Насекаде низ Македонија ќе се формира позначителна снежна покривка, а поради засилениот ветер од северен правец ќе има појава и на снежни наноси.До понеделник наутро во најголем дел од Македонија, и тоа во градовите ќе се формира снежна покривка со висина до околу, и над 20 сантиметри, во повеќето градови и со висина од над 30 сантиметри, локално дури и над 40 сантиметри, а на планините и на Скијачките центри се очекува нов снег со висина од над 50 сантиметри, па дури до околу и над еден метар.Во Скопската котлина до понеделник ќе се формира снежна покривка со висина од 10 до 20 сантиметри, а во повисоките предели од колтлината, како и на околните планини таа ќе биде значително поголема.СЕРИОЗНО ПРЕДУПРЕДУВАЊЕ: Со оглед на тоа дека не очекуваат обилни снежни врнежи насекаде во Македонија, на возачите им препорачувам да бидат крајно внимателни како управуваат со своите возила, особено доколку се движат низ планинските превои, каде поради ниските температури ќе има појава на голомразица. Исто така, Скијачите кои ќе се наоѓаат на Скијачките центри, ги советуваме да не се движат кон поголеми надморски височини поради обилните врнежи од снег и значително намалената видливост која ја очекуваме.

Македонија | пред 9 месеци

Што да очекувате викендов: Очекуваме снежна покривка од 50 сантиметри, па до еден метар

Под влијание на циклонска активност и на голем снежен и ладен бран кој ќе се формира над нашата територија, секако со продорот на многу поладен воздух од север, проследен со повремено засилен ветер од северен правец, од овој викенд, како и во почетокот на следната седмица ќе имаме обилни врнежи кои полека насекаде во Македонија ќе преминуваат во снег.Снежна покривка ќе се формира насекаде во Македонија, на повеќе места таа ќе биде позначителна и со висина од над 20 сантиметри, локално и над 30 сантиметри (во градовите), додека на планините како и на Скијачките центри се очекува нов снег со висина од над 50 сантиметри па до околу еден метар.Со овој многу ладен и голем снежен бран, снег и снежна покривка ќе се формира и во Скопје и околината, и тоа со висина од 10 до 15 сантиметри, можно е локално и повеќе, додека на околните планини таа ќе биде значително поголема.Што се ондесува до температурите, тие наутро насекаде ќе се спуштаат под нулата, а и преку ден тие на повеќе места ќе се задржат до околу нулата, а во делови од Македонија и под нулата, само во крајните југоисточни предели тие ќе бидат само за неколку степени над нулата. На повисоките населени места, планините, како и на Скијачките центри температурите постојано ќе бидат под нулата.Поради очекуваниот повремено засилен ветер од северен правец, се очекува и појава на снежни наноси, особено на повисоките населени места, планините, како и на Скијачките центри.

Македонија | пред 10 месеци

Доаѓа поладен бран од Арктикот кон Македонија: Ноќта петок кон сабота голем пад на температурите и врнежи

Веќе ноќта петок кон сабота (3 кон 4 јануари 2025) и во сабота (4 јануари 2025) во Македонија како што подолго време најавувам ќе дојде до поголема промена на времето и спуштање на многу поладен и влажен воздушен бран од Арктикот.Во ваква ситуација во текот на ноќта петок кон сабота, како и во сабота, особено претпладне ќе има врнежи од дожд, кои на повисоките места и на планините, како и на Скијачките центри секако ќе бидат од снег, и постојаната снежна покривка токму на овие места ќе се зголеми. Поради заладувањето, повремен снег ќе има и во делови од пониските места (градовите), особено во западните и во северните предели од Македонија.Сето ова ќе биде проследено и со повремено засилен ветер од северен правец (повремено и локално со брзина до околу 60 км/час).Во Скопје и околината со овој бран ќе има врнежи од дожд, а на околните планини и во повисоките предели од котлината ќе има повремени врнежи од снег. Услови за сосема слабо провејување на снег ќе има и во делови од пониските предели од котлината. Повремено со ова спуштање на ладниот воздух од север, и во Скопскиот регион ќе дува засилен ветер од северен правец.Што се однесува до температурите, тие значително ќе опаднат и во сабота наутро ќе се спуштаат во интервалот од -6 до 3 степени, додека максималните дневни температури ќе се искачуваат во интервалот од 1 до 10 степени во најтоплите југоисточни предели од Македонија.Да напоменам дека на повисоките населени места, како и на планините и Скијачките центри, температурите во сабота и преку ден ќе бидат постојано под нулата.

Македонија | пред 10 месеци

Во првите два дена од 2025 година многу сонце и потопло, по одделни котлни со магла и ниска облачност

За време на новогодишната претстојна ноќ, како и во првите два дена од 2025 година, односно во среда и во четврток (1 и 2 јануари 2025) времето во Македонија ќе биде стабилно, суво, сончево и претежно тивко, но и потопло преку ден. Сепак, по одделни котлини, особено оние котлини кои се наоѓаат во Повардарието ќе има појава на магла и на ниска облачност, особено во ноќните и во претпладневните часови, па така во овие котлини преку ден температурата ќе остане пониска.И во Скопскиот регион во првите два дена од 2025 година (среда и четврток), но и во текот на претстојната новогодишна ноќ ќе имаме ведро, стабилно и сончево време утре и задутре (среда и четврток). Ќе биде претежно тивко. Во ниските предели од котлината ќе се создаваат услови за појава на магла и на ниска облачност, особено во ноќните и во утринските часови.Што се днесува до температурите, тие наутро ќе се спуштаат во интервалот од -3 до 4 степени, додека преку ден температурите ќе се искачуваат во интервалот од 8 до 14 степени. Во Скопје наутро температурата ќе се спушта до околу -2 степени, додека максималната температура ќе достигне до околу 8 степени.

Македонија | пред 10 месеци

Анализа на времето за време на новогодишната ноќ

За новогодишната ноќ, односно ноќта вторник кон среда 31 Декември 2024, кон 1 Јануари 2025 година, и во среда на 1 Јануари 2025 во текот на денот, особено на планините и на Скијачките центри времето ќе биде претежно сончево и тивко, додека по котлините ќе биде магливо, со намалена видливост, како и со ниска облачност.И во Скопскиот регион за новогодишната ноќ, особено во повисоките предели од котлината и на околните планини ќе биде ведро и тивко, додека во ниските предели од котлината ќе се создаваат услови за појава на магла и на ниска облачност.Што се однесува до температурите, за време на новогодишната ноќ тие е се движат во интервалот од -3 до 2 степени, додека на 1 Јануари 2025 (среда) во текот на денот максималните дневни температури во Македонија ќе се искачуваат во интервалот од 5 до 12 степени. Исто така, постудено ќе остане во котлините со магла и со ниска облачност. Во Скопје пак на 1 Јануари 2025 година во текот на денот максималната температура ќе се искачи до околку 7 степени.

Македонија | пред 10 месеци

Длабок и многу ладен средоземен циклон во Македонија: обилни врнежи претежно од снег!

Во Македонија ќе настапи голема промена на времето која ќе донесе обилни врнежи претежно од снег, а во Повардарието и во крајните југоисточни предели ќе врне претежно дожд или повремено врнежите ќе бидат од дожд и од снег.Во поголем дел од Македонија ќе се формира снежна покривка, особено во западните и во источните предели каде се очекува висината на снежната покривка во овие делови и тоа во делови од градовите ќе биде со висина од 5 до 10 сантиметри, понекаде и до, па и над 20 сантиметри. На повисоките места, планините како и на Скијачките центри снежната покривка значително ќе се зголеми, и на планините и скијачките центри таа вкупно со новиот снег ќе изнесува локално и над па и до околу еден метар.Сето ова ќе биде проследено со повремено засилен ветер од северен правец. А утре (понеделник) најпрвин тој ќе биде од југоисточен правец. Да напоменам дека во некои од пониските места (градовите) врнежите ќе бидат од дожд и снег, за потоа да преминат само во снег.Што се однесува до Скопје и околината, со овој голем влажен и ладен бран ќе има врнежи од дожд и снег, а во деновите од новата седмица се очекува да се формира снежна покривка на околните планини, како и во повисоките предели од котлината, а мала снежна покривка можно е да се формира и во делови од пониските предели од Скопската котлина. Повремено и во Скопје ќе дува засилен ветер од северен правец, а утре (понеделник) накратко тој ќе биде од југоисточен правец.Што се однесува до температурите, тие наутро на повеќе места ќе се спуштаат под нулата, додека и преку ден тие ќе се искачуваат само за некој степен над нулата, а понекаде тие ќе останат и до околу, па и под нулата. Секако, на планинските места и на Скијачките центри тие преку целиот ден ќе бидат под нулата.Да предупредам дека поради очекуваните обилни снежни врнежи, препорачувам возачите да бидат крајно внимателни, особено доколку патуваат низ планинските превои каде ќе има многу снег, а се очекува и појава на голомразица поради ниските теммпоератури, а поради ветеро ќе има и појава на снежни наноси. Исто така на скијачите кои ќе бидат на Скијачките центри, им препорачувам да бидат крајно внимателни и да не се оддалечуваат на поголема надморска височина, и тоа поради намалената видливост која се очекува.

Македонија | пред 10 месеци

Викенд временска: Ладен бран, дожд, снег, северен ветер и зголемување на снежната покривка

Од денес (сабота) попладне, до утрешната ноќ, кон понеделник под влијание на влажна и ладна воздушна маса од север, во Македонија ќе има нови врнежи од дожд кои ќе бидат пообилни во западните предели (над 20 литри воден талог на метар квадратен), На планините, а утре (недела) и на повисоките места особено во западните и во северните предели со надморска височина до околу, па и под 1000 метри ќе има и повремен снег.На планините постојната снежна покривка ќе се зголеми. Денес (сабота) повремено ќе засилува ветер од југоисточен правец, а утре (недела) од попладневните часови повремено ќе дува засилен ветер од северен правец.Што се однесува до температурите, тие ќе се искачуваат во интервалот од 4 до 10 степени, а наутро пак ќе се спуштаат во интервалот од 1 до 6 степени.Во Скопскиот регион исто така ќе има повремени врнежи од дожд, а утре (недела) на околните планини ќе има повремен снег, а накратко, услови за слабо провејување на снег ќе има и во повисоките предели од котлината. Денес (сабота) ќе засилува ветер од југоисточен правец, додека утре (недела) попладне и навечер повремено ќе дува засилен ветер од северен правец.Во Скопскиот регион овој викенд температурата наутро ќе се спушта до околу 3 степени, а максималната ќе се искачува во интервалот помеѓу 7 и 9 степени, меѓутоа утре (недела) попладне и навечер дополнително ќе опадне.

Македонија | пред 10 месеци

Времето оваа недела: подгответе се за магла, а и снег

Во текот на новата седмица во Македонија ќе имаме променливо време со сончеви периоди, а ќе биде претежно тивко. Ќе има услови и за повремен локален слаб дожд, а на планините ќе провејува слаб снег.Сепак во текот новата седмица во котлините ќе има појава на магла и ниска облачност, која понекаде, особено во Скопскиот регион и во котлините Долж Повардарието ќе се задржи и во поголемиот дел од денот и истата ќе условува пониски температури на воздухот.Што се однесува до температурите, тие наутро на повеќе места ќе се спуштаат до околу, локално и под нулата, особено на повисоките и планинските места, додека максималните дневни температури ќе бидат пониски, особено од средината на седмицата кога ќе се искачуваат во интервалот од 4 до 11 степени.Во Скопскиот регион температурата ќе се искачува во интервалот помеѓу 8 и 9 степени.Се на се, во текот на седмицата која ни претстои не се очекуваат некои нови пообилни врнежи од дожд и снег, освен од средината на истата кога ќе бидеме под влијание на поладен воздух од север.

Македонија | пред 11 месец

Постојано ќе имаме повремени врнежи, а снежната покривка на планините и на скијачките центри ќе се зголемува

Продолжува периодот во Македонија на многу променливо време, со серија на влажни воздушни бранови од запад, кои ќе условуваат повремнени врнежи од дожд, а на планините, во западните предели и на повисоките места (до околу 1000 метри надморска височина) ќе има врнежи од снег. На планините и на Скијачките центри постоечката снежна покривка повремено ќе се зголемува.Повремено врнежите во следниот период ќе бидат пообилни. Ќе дува слаб до умерен ветер кој повремено ќе засилува на интензитет и денес попладне и навечер ќе биде од северен, а утре (недела) од јужен и од југоисточен правец.Во Скопскиот регион исто така продолжува периодот на променливо време со повремени врнежи од дожд, а на околните планини повремено ќе врне снег. До крајот на денешниот ден ќе засилува ветер од северен, а утре (недела) од југоисточен правец.Што се однесува до температурите, тие ќе бидат пониски особено во утринските часови и утре (недела) ќе се спуштаат во интервалот од -3 до 3, додека максималните дневни до крајот на денов ќе се искачуваат во интервалот од 3 до 10 степени. Утре (недела) тие ќе се искачуваат во интервалот од 4 до 12 степени.Сепак, утре попладне и навечер ќе има нови врнежи од дожд, и снег на планините и на Скијачките центри, каде снежната покривка повторно ќе се зголеми. Снежната граница повторно во западните предели би можела да се спушти до околу 1000 метри надморска височина, со што снег се очекува да врне и на повисоките места.

Македонија | пред 11 месец

Од среда навечер, како и во четврток, во Македонија нови врнежи од дожд и снег

Променливото време продолжува и во почетокот на оваа работна седмица. Денес (понеделник) особено во јужните предели од државава и во претпладневните часови ќе има повремено врнежи од дожд, додека на планините ќе врне снег. Врнежите сепак полека ќе се намалуваат и ќе престануваат, па така утре (вторник) ќе имаме променливо облачно време со сончеви периоди и ќе биде претежно суво.Нов влажен бран од запад и од југозапад територијата на Македонија ќе ја зафати ноќта среда кон четврток, како и во четврток и истиот ќе услови нови врнежи од дожд и снег на планините. Особено во западните предели снежната граница ќе се спушти до околу 1000 метри надморска височина, има услови таа локално да се спушти и под 1000 метри, па така услови за повремен снег ќе има и во некои повисоки населени места во споменатите предели.Во Скопскиот регион, до средината на работната седмица ќе имаме променливо облачно и претежно суво време. Нови врнежи од дожд ќе има ноќта кон четврток и особено во четврток. На околните планини ќе има услови за повремени врнежи од снег.Ветерот кој го имаме деновиве и кој е од северен и од североисточен правец значително ќе ја намали својата брзина.Што се однесува до температурите, не се очекува некој поголем пораст на истите, па така наутро тие ќе бидат пониски и на повеќе места ќе се спуштаат за некој степен под нулата, додека преку ден тие ќе се искачуваат во интервалот од 4 до 10 степени.

Македонија | пред 11 месец

Голем снежен нанос може да ја зафати Македонија

Во текот на денешниот ден, односно во следните 24 часа, територијата на Македонија повторно ќе биде зафатена од обилни врнежи, кои особено во западните , северозападните и во југозападните предели ќе бидат од дожд и снег на пониските места (градовите), повремено ќе има врнежи и само од снег во споменатите места, додека на повисоките места и на планините ќе има обилни врнежи од снег.Во следните 24 часа исто така локално ќе наврне големо количество на воден талог (над 50/60 литри на метар квадратен). На планините ќе се формира снежна покривка од над 60/ 70 сантиметри, на повисоките места таа ќе биде со висина од 20 до 40 сантиметри, локално и повеќе, додека на пониските места таа ќе биде со висина од 10 до 20 сантиметри, локално и над 30 сантиметри.Ќе дува северен и североисточен ветер, и истиот повремено ќе засилува на интензитет, па така на планините е можна појава и на снежни наноси. Апелираме, со оглед на тоа дека не очекуваат нови обилни врнежи и тоа на повеќето места во Македонија од снег, доколку патувате низ планинските превои да бидете крајно внимателни како управувате со своето возило.Во Скопскиот регион исто така ќе има обилни врнежи од дожд и снег, додека во повисоките делови од котлината, како и на околните планини ќе има врнежи само од снег и ќе се формира снежна покривка.Температурата денес (сабота) ќе се искачуваа во интервалот само од -1 до 6 степени, во Скопје таа ќе се искачи до околу 3 степени.

Македонија | пред 11 месец

Снег ќе го покрие речиси целиот Балкан, a од среда и Македонија, најавува метео-прогнозер

„Почнувајќи од 20 Ноември (среда) целиот Балкански Полуостров, вклучувајќи ја и нашата Македонија ќе бидат зафатени од моќен циклон кој ќе биде со центар токму над Балканот, но и над Италија и истиот ќе условува обилни врнежи, најпрвин од дожд, а потоа од снег“, најавува метео-прогнозерот Славчо Попоски и додава:„Сето ова ќе биде проследено со бурен ветер, кој понекаде ќе достигнува брзина од над 80/90 км/час, локално и со брзина дури и од над 100 км/час.Снег ќе го поркие речиси целиот Балкан следната седмица, а што се однесува до Македонија, истиот ќе го има особено на повисоките места и на планините, но од средината на седмицата, поточно од четврток 21.11.2024 повремен снег ќе има понекаде и на пониските места, особено во западните и во северните предели. Можно е помало формирање на снежна покривка и во пониските места во Македонија.Во следните мои метео објави следува нова и по потреба обновена метео анализа токму околу оваа огромна промена на времето која не очекува во текот на новата седмица“.

Свет | пред 11 месец

Првата декада од ноември ни носи температури и од под -10 степени, најавува Попоски

Најновото ажурирање на Европскиот модел (ECMWF)  укажува на тоа дека во првата декада од месец ноември, најголем дел од Европскиот Континент, како и целиот Балкан буквално ќе бидат заледени поради продорот на многу ладен воздух кој ќе се спушти кај нас од Арктикот. Во ваква ситуација, на многу места и градови се очекува  и првото провејување на снег за оваа сезона (зборуваме особено за пониските места, односно за градовите).Овој многу ладен воздух со потекло од Арктикот, ќе ни го донесе  и првиот сериозен мраз за оваа сезона, со што очекуваме температури дури и до -10 степени, локално може тие да бидат и пониски, особено на високите планински места.

Македонија | пред 1 година

Викенд метео анализа: Свежо, променливо и ветровито време, со услови за слаб дожд

Викендов времето во Македонија ќе биде променливо облачно и релативно свежо со сончеви периоди, а ќе дува и слаб до умерен ветер од југоисточен правец, и истиот, особено до крајот на денешниот ден и Долж Повардарието повремено ќе засилува на интензитет.Ќе има услови и за слаб локален дожд, особено во западните предели.Во Скопје и околината викендов ќе имаме слично време, променливо облачно со сончеви периоди и со слаб до умерен, а до крајот на денешниот ден повремено засилен ветер од југоисточен правец.Што се однесува до температурите, тие ќе се искачуваат во интервалот од 14 до 20 степени. Во Скопје максималната температура викендов ќе се искачува во интервалот помеѓу 18 и 19 степени.

Македонија | пред 1 година

Циклонската активност над Македонија: Во изминатите 24 часа наврнаа дури 65 литри дожд на м/2

Циклонската активност над Македонија во изминатите 24 часа услови обилни врнежо од дожд во поголем дел од Македонија. Најмногу дожд до 8 часот утринава наврна во Лазарополе и во Пожаране, дури 65 литри дожд на м/2.Во Крушево и Прилеп утринава е најсвежо со 11 степени, додека најтопло е во Гевгелија со измерени 17 степени.На табелата можете да ги погледнете и останатите температури измерени по градови и места во Македонија до 8 часот утринава, како и количеството на врнежи во изминатите 24 часа, и тоа на мерните станици на УХМР.Инаку, викендов и понатаму ќе бидеме под влијание на циклонска активност, па така и понатаму ќе има повремени врнежи од дожд на повеќе места, локално пообилни и проследени со грмежи и засилен ветер.

Македонија | пред 1 година

Ни следува нагло и големо заладување на времето и силен северен ветер (над 60 км/час)

Поради спуштање на значително постудена воздушна маса од север, денес (недела) и тоа од попладневните и вечерните часови температурите нагло и значително ќе опаднат, на повеќе места за околу, па и за повеќе од 10 степени, додека во северните предели тие ќе опаднат дури за повеќе од 15 степени. Во текот на денов ќе има и повремени локални врнежи од дожд, локално проследени со појава на грмежи.Ќе започне да дува засилен до силен ветер од северен правец кој ќе се задржи и во текот на ноќта кон утрешниот ден (понеделник), како и во понеделник преку целиот ден. Најизразен ветерот ќе биде Долж Повардарието (над 60 км/час). Поради заладувањето, денес (недела) не се исклучува можноста на највисоките планински места да има провејување и на слаб снег.Денес температурите ќе се искачуваат во интервалот од 18 до 26 степени, и тие дополнително ќе опаднат од попладневните часови па натаму. Утре (понеделник) наутро температурите ќе бидат доста пониски и ќе се спуштаат во интервалот од 3 до 14 степени.Најстуден ден ќе биде утрешниот, кога максималните дневни температури на воздухот ќе се искачуваат во интервалот од 10 до 18 степени.Особено студени утра и тоа поради разведрувањето ќе имаме во вторник и среда, и тие ќе се спуштаат во интервалот од -2 до 8 степени, па така на повеќе места е можна појава на слана и на мраз.Од вторник температурите ќе бележат тенденција на постепен пораст, а од утре (понеделник) до среда времето ќе биде стабилно и суво, а нов бран на пообилни врнежи од дожд ќе има од четврток.НАПОМЕНА: Овие нагли и големи промени на времето, особено лоши ќе влијаат врз метеопатите.

Македонија | пред 1 година