Вучиќ: Над 3.300 пожари за три недели, 9.000 луѓе се борат со огнот

Повеќе од 3.300 пожари избувнале во Србија во последните три недели, а во нивното гаснење се ангажирани околу 9.000 луѓе, изјави српскиот претседател Александар Вучиќ.

— реклама —

Вучиќ најави дека ќе ги посети пожарникарите и спасувачите кои се ангажирани на терен и лично ќе им се заблагодари за нивниот ангажман. Тој посочи дека припадниците на службите спасувале луѓе и имот на повеќе локации низ земјата.

— реклама —

Србија побарала помош од Европа за справување со пожарите, а Романија веќе доставила предлози за помош. Особено сложена е ситуацијата со гаснењето на пожарот во Делиблатската Пескара.

На прашањето за тврдењата дека пожарите биле намерно предизвикани, Вучиќ ги отфрли како „глупости“ и ги критикуваше оние кои шират теории на заговор.

— реклама —

Тој истакна дека државата презема мерки за заштита на домовите и животите на граѓаните, а дополнително се инвестира и во опремата и кадарот на пожарникарската служба.

— реклама —

Бројот на пожарникари е зголемен на 3.800, а набавени се 58 нови возила и современи хеликоптери. Вучиќ најави дека ќе продолжат инвестициите, вклучително и можноста за набавка на авиони за гаснење пожари.