Вучиќ пред оставката се збогуваше со вработените во претседателскиот кабинет

Српскиот претседател Александар Вучиќ приреди прием за вработените во својот претседателски кабинет, пред најавеното поднесување оставка од функцијата. Вучиќ претходно потврди дека оставката ќе ја поднесе во недела, 27 септември, во вечерните часови, околу 20 часот, а најави и дека тогаш ќе им се обрати на граѓаните и ќе ја образложи одлуката.

— реклама —

На социјалните мрежи тој сподели моменти од испраќањето на соработниците, на кое имало музика и танц. Вучиќ им упати благодарност за долгогодишната работа и за поддршката во текот на неговиот мандат.

— реклама —

„Ви благодарам за тоа што истрајавте и во моментите кога се случуваа работи што не ви се допаѓаат. Јас несомнено грешев, а секој нормален човек го прави тоа секој ден. И ви благодарам бескрајно за сè. Десет години од животот не се мал период“, порача Вучиќ.

— реклама —

Тој во четвртокот во Њујорк повторно потврди дека оставката ќе ја поднесе во недела навечер, наведувајќи дека очекува тоа да биде околу 20 часот.

— реклама —

По престанокот на мандатот, должноста претседател на Србија привремено ја презема претседателката на Народното собрание, Ана Брнабиќ. Според српските законски одредби, таа може да ја извршува функцијата најмногу три месеци, во периодот до изборот на нов претседател.