Вучиќ: По изборите сакам повторно да бидам премиер

Српскиот претседател Александар Вучиќ најави дека по годинашните вонредни избори има намера повторно да ја преземе функцијата премиер на Србија.

— реклама —

Во интервју за „Фајненшл тајмс“, Вучиќ изјави дека парламентарните избори најверојатно ќе се одржат до почетокот на декември.

— реклама —

„Имам намера да го исполнам тоа ветување. Најверојатно прво ќе имаме парламентарни избори, кои ќе бидат одржани до почетокот на декември. Планирам по изборите да се вратам на премиерската функција“, изјави Вучиќ.

— реклама —

Тој неодамна најави дека ќе поднесе оставка од претседателската функција и ќе распише вонредни парламентарни и претседателски избори, по повеќемесечните протести во Србија.

Вучиќ беше премиер на Србија од 2014 до 2017 година, кога беше избран за претседател на државата.