Вучиќ: Во гаснењето на пожарот во Делиблатската Пешчара ќе се вклучат и хеликоптери на Војската на Србија

Претседателот на Србија, Александар Вучиќ, изјави дека припадниците на Секторот за вонредни ситуации, кои штотуку се вратиле од Шпанија, каде помагаа во гаснењето на шумските пожари, веднаш се упатиле кон Делиблатската Пешчара за да се приклучат во справувањето со големиот пожар што избувна таму.

— реклама —

Вучиќ истакна дека гаснењето на пожарот е исклучително сложена операција и најави дека за првпат ќе бидат ангажирани и хеликоптери на Војската на Србија, а доколку биде потребно, ќе се зголеми и присуството на армиските сили на терен.

— реклама —

— реклама —

Тој им оддаде признание на пожарникарите-спасители, посочувајќи дека по 29-часовното патување со возила до Шпанија тие веднаш биле вклучени во гаснењето на пожарите, додека екипажите на хеликоптерите летале повеќе од осум часа за да стигнат до местото на интервенција.

„Горд сум на овие луѓе и на нивните семејства. Тие имаа исклучително тешка задача и уште еднаш покажаа голема пожртвуваност“, изјави Вучиќ при пречекот на пожарникарите-спасители.