Претседателот на Србија, Александар Вучиќ, изјави во Тиват дека во немирите од 15 март во Србија учествувале повеќе од 2.000 државјани на Црна Гора, но дека Белград никогаш не ја обвинил официјална Подгорица за тоа.
„За овие демонстрации, кога беа тепани полицајци и обични луѓе само затоа што мислат поинаку, во немирите на 15 март учествуваа повеќе од 2.000 државјани на Црна Гора. Тие учествуваа во обид за уривање на уставниот поредок. Дали некогаш ја обвинивме Црна Гора за тоа?“, изјави Вучиќ.
Тој додаде дека лицата на кои им бил забранет влез биле санкционирани незаконски и оцени дека немало потреба од такви мерки.
„Тие луѓе не сториле ниту едно кривично дело. Влезот им беше забранет спротивно на законот. Би рекол да ги вратат и да ги повикаат. Благодарам за сè, но нема потреба од тоа“, рече српскиот претседател.
Вучиќ истакна дека, според него, одредени групи сакале да се претстават како жртви и да создадат впечаток дека Србија има намера насилно да влијае врз Црна Гора.
