Хамнеи издал наредба: Обогатениот ураниум останува во Иран

Врховниот лидер на Иран, Моџтаба Хамнеи, наредил високообогатениот ураниум, кој е блиску до нивото потребно за производство на нуклеарно оружје, да остане во земјата.

— реклама —

Со ова, според информациите на Reuters, Техеран практично одбил да ја исполни една од клучните точки од договорот за прекин на конфликтот меѓу САД и Иран, која предвидувала иранскиот обогатен ураниум да биде префрлен во странство.

— реклама —

Според израелски официјални претставници, Иран во моментов располага со повеќе од 400 килограми високообогатен ураниум, што, доколку дополнително се збогати, би можело да биде доволно за производство на 11 нуклеарни бомби.

— реклама —

Претходно овој месец, висок израелски воен функционер предупреди дека, доколку ураниумот не биде отстранет од Иран, тогаш војната започната во февруари би можела да се смета за „голем неуспех“.

Во меѓувреме, американскиот потпретседател Џеј Ди Венс изјави дека моменталниот план на Вашингтон не предвидува Русија да го преземе иранскиот обогатен ураниум.