Хаос во Русија: Во напад на регионот Белгород загинаа шест цивили, десетици се повредени, меѓу кои и деца

Шест цивили загинаа, а 33 други се повредени кога украински беспилотни летала нападнаа два автомобили во руската област Белгород, долж границата со Украина, соопшти регионалниот оддел на руското Министерство за вонредни ситуации.

— реклама —

„Украинската армија употреби беспилотни летала за да ги нападне автомобилите на компанијата Агро-Белгорје, кои превезуваа вработени во свињарската фарма. Како резултат на тоа, повеќе од 30 луѓе беа повредени, а шестмина загинаа“, се вели во соопштението, а пренесе ТАСС.

— реклама —

Шефот на округот Владимир Переверзерв на седницата на регионалната влада потврди дека шест лица загинале, а десетици се повредени во напад со беспилотни летала на Вооружените сили на Украина врз возила на земјоделска фарма во областа Борисовски на Белгородска област.

— реклама —

Гувернерот Вјачеслав Гладков на својот канал Телеграм изјави дека се повредени 35 лица, меѓу кои и две деца.

„Еден маж е ранет во стомакот и лекарите го оперираат. Останатите жртви се здобиле со разни повреди од шрапнели, на кои им е укажана лекарска помош“, изјави Гладков.