Хезболах најавува поинтензивни операции

Тензиите меѓу Израелски одбранбени сили и Хезболах повторно ескалираат, откако двете страни меѓусебно се обвинија за прекршување на примирјето и најавија засилени активности на теренот.

— реклама —

Од Хезболах порачаа дека повеќе нема да прифаќаат, како што наведуваат, еднострано примирје, нагласувајќи дека тие не биле дел од договорот кој беше постигнат меѓу Израел и либанските власти. Според нив, одредбите кои му дозволуваат на Израел и превентивни воени дејствија претставуваат неприфатлива практика.

— реклама —

Во последните два до три дена, според достапните информации, Хезболах го засилил темпото на своите операции, проширувајќи ги целите не само кон израелските сили во јужен Либан, туку и кон подрачја во северен Израел.

— реклама —

Паралелно, организацијата објави и видео порака упатена до жителите на северниот дел од Израел, во која предупредува дека безбедносната состојба е нарушена и дека тие не се целосно заштитени.

Од израелска страна, пак, се повикуваат на условите од примирјето кои, според нивното толкување, дозволуваат одговор и превентивно дејствување при секоја закана, што дополнително ја продлабочува кризата и ја доведува во прашање одржливоста на договорот.