Xiaomi би можел наскоро да го направи првиот чекор кон претставувањето на новиот оперативен систем HyperOS 4, покажуваат најновите неофицијални информации од Кина.
Според познат кинески дојавувач, компанијата во текот на оваа недела би можела да започне со најавување на системот, по што би следувало и првото бета-тестирање. Засега, Xiaomi официјално не ги потврдил овие информации.
Според досегашните најави, HyperOS 4 ќе донесе освежен визуелен изглед со подобрени анимации, редизајнирани икони, нов изглед на контролниот центар и известувањата, како и дополнителни подобрувања инспирирани од дизајнот „Liquid Glass“.
Се очекува и проширена соработка со Leica преку нови системски теми, звуци и бои на иконите, додека функциите базирани на вештачка интелигенција би требало да добијат позначајна улога во корисничкиот интерфејс. Исто така, се најавуваат нови виџети и подобар приказ на известувањата на заклучениот екран.
Доколку информациите се покажат како точни, првите новини ќе бидат достапни најпрво за корисниците во Кина, додека глобалната верзија се очекува подоцна.
