Хорор во Полска: На приватен имот пронајдени останки од 32 фетуси, уапсена докторка

Полските власти спроведуваат истрага откако на приватен имот во југоисточниот дел на земјата биле пронајдени останки од 32 фетуси, за кои постои сомнеж дека потекнуваат од болничко патолошко одделение, а една докторка е уапсена.

— реклама —

Локалните власти соопштија дека на земјиште во селото Луториж, во близина на градот Жешов, биле откриени закопани останки од неродени бебиња. Се претпоставува дека тие биле земени од болница за потребите на научни истражувања.

— реклама —

Имотот претходно бил во сопственост на 57-годишна докторка-патолог, која полските медиуми ја идентификуваа како Магдалена Х. Таа била уапсена во петокот во градот Замошќ во источна Полска, пренесува ТВП Ворлд.

Истражителите потврдија дека досега се пронајдени останки од 32 фетуси и продолжуваат да проверуваат дали случајот опфаќа и други локации, како и дали има дополнителни лица вмешани во преместувањето, ракувањето или одлагањето на посмртните останки.

— реклама —

Полицијата и обвинителството ги испитуваат сите околности на случајот и се обидуваат да утврдат дали осомничената дејствувала сама или постоела поширока мрежа поврзана со овој процес.

Истрагата е во тек.