Хрватски превозници со критики: дневниците значително пониски од регионот

Хрватската асоцијација на работодавачи (ХУП) предупредува дека транспортниот сектор се соочува со сериозни притисоци врз профитабилноста и капацитетите, доколку не се зголеми продуктивноста, не се обезбеди поголема достапност на работна сила и не се намалат регулаторните оптоварувања, пренесува Индекс.хр.

— реклама —

Според анализата, секторот на патниот товарен превоз во последните години минува низ една од најголемите структурни промени, со истовремен раст на трошоците за работа, нестабилност на енергентите и зголемени регулаторни барања, додека европската трговија расте побавно од претходно.

Од ХУП посочуваат дека најголем проблем е недостигот на работна сила, при што во Европа недостигаат речиси половина милион професионални возачи.

— реклама —

Како посебен проблем се наведува неконкурентниот систем на дневници. Во Хрватска дневницата за теренска работа изнесува околу 30 евра и не е променета од 2019 година, додека во Босна и Херцеговина е околу 50 евра, во Словенија 80 евра, а во Австрија достигнува и 90 евра.

— реклама —

Од ХУП оценуваат дека ваквиот јаз ја намалува привлечноста на домашниот пазар на труд и ги зголемува трошоците за работодавачите, кои разликите ги покриваат преку зголемување на бруто платите.

Во анализата се наведува и дека новите европски регулативи, меѓу кои и пакетот „Мобилити пакет“, значително ја усложнуваат работата на превозниците и ги зголемуваат административните трошоци.

— реклама —

ХУП заклучува дека без структурни реформи и подобрување на продуктивноста, конкурентноста на хрватскиот транспортен сектор ќе продолжи да слабее.