Промени тема
Контакт
Најнова епизода Сведоштва за полициско шамарање во Охрид: Едниот натепан на паркинг, малолетник во нива | Претрес Гледај на LANDOV.MK

За четири години Скопје ќе нема инфраструктурни проблеми, вети Шилегов

Скопје1.мк's avatar
Автор: Скопје1.мк

објавено пред 5 години -

Скопје
3-1

Вчеравечер во паркот Ибни Пајко започна победничкиот карван на СДСМ и официјалното претставување пред граѓаните на кандидатот и актуелен градоначалник на Град Скопје, Петре Шилегов. Пред насобраните граѓани, покрај Шилегов, се претставија кандидатите за советници, а говор одржа и претседателот на Владата, Зоран Заев.

— реклама —

„Во Скопје 4 булевари се граделе истовремено само два пати, после земјотресот и денес. АСНОМ, Босна и Херцеговина, Никола Карев и Христијан Тодоровски Карпош денес се реалност која никој не може да ја избрише. Минатата година реконструиравме и градевме вкупно 21 улица. Ја нарековме Градежна офанзива бидејќи на толку сообраќајници во една сезона се работело повторно само 2 пати, по земјотресот и денес. Денес во Скопје за прв пат после повеќе децении се градат два нови мостови истовремено“, појасни Шилегов на настанот.

Видливи се заложбите на градската администрација во изминатите 4 години, со бројни активности поврзани со заштитата на животната средина, подобрување на инфраструктурата и создавање на функционален и хуман главен град.

— реклама —

Граѓаните паметат и се сеќаваат на едно не толку дамнешно време, пред не повеќе од 5 години, кога главна политика на тогашното градско раководство беа фонтани, споменици, криминал и непродуктивни трошења. Сега, сликата за главниот град е сосема различна.

— реклама —

Во обраќање кон кандидатката на ВМРО-ДПМНЕ, Данела Арсовска, Шилегов порача дека Скопје не смее и нема да биде уште еден експеримент на ВМРО-ДПМНЕ, затоа што Скопје не е сопственост на ниедна партија туку на граѓаните и ги повика сите негови противкандидати да не ги потценуваат граѓаните.

Покрај останатите проекти кои градот ги сработи изминатите 4 години, за следниот мандат се издвојува пробивањето на булеварот Македонија (Јужен Булевар), кој како ултрамодерна подземна сообраќајница, завршува со модерен кружен тек кај Нова Македонија. Наскоро ќе биде завршен и булеварот Словенија, кој ќе води до Волково и Ново Село, а ќе биде поврзан и со мостот на Љубљанска. Во центарот на градот се изведува и една од најголемите пешачки зони во Европа, која ќе се протега од Собранието до Т.Ц. Палома Бјанка и од Старата железничка станица до Бит пазар.

— реклама —

„Затоа драги мои, во следните 4 години ќе го заокружиме целосно процесот на решавање на сообраќајниот хаос во градот. Во првиот мандат започнавме храбро а во следниот ќе завршиме и ќе го решиме проблемот за следните 50 години!“, заврши Шилегов.

Сподели

Сподели
Сподели
Сподели
Сподели
Сподели
Сподели
Сподели како слика
Google Постави го Скопје1 за твој Google извор
Согласност за колачиња (cookies)

Нашата веб-страница користи колачиња за подобрување на корисничкото искуство и анализа на сообраќајот.

Дознај ексклузивно и прв

Прв ќе ги дознаваш ударните и вонредните случувања