За омраза и отпор ќе одговараат дел од демонстрантите по протестите за одземените возила, вели Обвинителство

За предизвиквуање омраза и организирање отпор ќе бидат гонети лицата кои протестираа низ повеќе градови во Македонија, а откако полицијата им ги одзеде возилата поради возење без возачка дозвола.

— реклама —

Обвинителството соопшти дека се испитуваат елементи од член 319 од Кривичниот законик, односно за предизвикување омраза, раздор или нетпреливост врз национлна, расна, верска и друга дискриминаторска основа, за што е предвидено казна од една до пет години. Ова дело е поврзано за верските навреди кои беа искажани на еден од протестите.

— реклама —

Второто дело кое се разгледува, по член 387 од Кривичниот законик пак, се однесува на организирање отпор или непослушност спрема законити одлуки или мерки на државен орган, за што е предвидена затворска казна од една до три години. Ова дело се разгледува за сите протести кои беа организирани низ државата, бидејќи доаѓаат како отпор по законската постапка – одземање на возило доколку истото е управувано од лице кое не поседува возачка дозвола.

— реклама —

„Доколку бидат утврдени елементи на кривично дело, соодветно надлежните јавни обвинителства ќе постапат“, рекоа од Обвинителството.

Еден од демонстрантите пак, експлицитно посочи дека доколку интервенира полицијата, ќе има убиство.