За разлика од нив, здравјето и животот на сите ни се важни: идните медицинари бараат Дијана Хрка да го прекине штрајкот со глад

Студентите на Медицинскиот факултет во Белград упатија апел до Дијана Хрка, мајката на младиот Стефан кој пред една година почина при падот на новосадската настрешница, да го прекине штрајкот со глад што трае веќе 14дена. Тие и порачаа дека сакаат таа да остане силна и присутна со нив.

— реклама —

Во објава на Инстаграм, студентите изјавија дека се свесни за големата болка што ја носи Дијана и силата што ја покажува и покрај сè низ што поминала, додавајќи дека нејзината храброст, упорност и достоинство веќе станале симбол на борбата за правда.

— реклама —

„Како идни лекари, но пред сè како луѓе, чувствуваме одговорност да ви се обратиме и да ве замолиме да го зачувате вашето здравје. Затоа ве замолуваме да го прекинете штрајкот со глад. Сакаме да останете со нас, силни и присутни, за да можеме заедно да ја продолжиме борбата што ја започнавте и која се однесува на секој граѓанин на оваа земја“, изјавија студентите на Медицинскиот факултет.

— реклама —

Тие додадоа дека она што го бараат од неа не е нешто малку, сепак ја замолија да ги послуша.

„За разлика од нив, здравјето и животот на секој поединец ни се важни. Ви благодарамиме мајко“, и порачаа на мајката на загинатиот Стефан.