Градоначалничката на Скопје, Данела Арсовска, ѝ замерила на директорката на „Комунална хигиена“ Косана Мазнева оти не работела колку што таа очекувала, а не ја реализирала ниту изборната кампања, па затоа ја разрешила. Овој став доаѓа по три месеци откако Арсовска ја бранеше Мазнева пред новинари, ја претстави како храбра директорка која презела чекори како ниту еден маж.
Оскудно, без детали, Арсовска одговарајќи на новинарски прашања, кажа дека ќе останат само тие што ќе реализираат.
„Јас како градоначалничка кажав дека не е загарантирана ниту една позиција доколку не се реализира програмата на Град Скопје и она е тоа што го правиме во моментов. Даваме шанса на некој којшто веруваме дека во следниот шестмесечен период ќе ги реализира нашите програми“, кажа Арсовска.
Иако во јавност е кажана, сепак, во решението за разрешување на Мазнева, оваа причина не е впишана. Вчера, разрешената директорка за медиумите посочи дека не знае која е причината за ваквиот чекор.
Мазнева е разрешена т.е шутната од Данела Арсовска поради недоразбирање околу некој тендер, тврди Јоци
Разрешувањето на директорката на „Комунална хигиена“, Косана Николиќ-Мазнева, се најде како тема на анализа кај политичкиот аналитичар, Јорданка Ивановска-Јоци.„Неофицијално, Косана Николиќ-Мазнева е разрешена т.е шутната од Данела Арсовска поради недоразбирање околу некој тендер. Не се познати детали. Дали е случајност или не, на 19 октомври, следната недела, ,,Комунална хигиена" мора да распише, а месецов и да склучи - едногодишен габаритен тендер за нафта. Лани, тој тендер беше околу 2,1 милиони евра, а во времето на Шилегов 1,1 милиони евра. И во 2021 и во 2022, ги доби ,,Пуцко Петрол"“, пишува Ивановска-Јоци.Според неа, скандалозно е разрешувањето.„Како и да е, скандалозното разрешување на Мазнева [ позната од 2009 како ,,косовка девојка"] е чудно, со оглед дека се одметна од Мицкоски и ВМРО-ДПМНЕ под патронат на Н.Груевски и така некако стана директорка на ,,Комунална", а потоа ,,грлом у јагоде" се залета и влезе во војна со матичната партија. Арсовска со тоа што денеска демонстрираше сила врз неа, демонстрираше и врз Груевски. Логички, но не ги знаеме деталите, а ќе се видат деновиве. Од друга страна, пологички, можеби токму Груевски, за кого Ахмети кажа дека имале тајни средби за кривичниот законик, а се шпекулира дека ,,курирот" Скопје виа Пешта е еден нафтен газда близок до ДУИ - дал ,,зелено светло" за бламирачко отстранување на Косана од претпријатието, а со тоа и од политичка сцена. Како и да е, Градот е киднапиран од Арсовска и буквално си игра играчки со него. Ова е 37 смена на директор. Башибозукот и агресијата никако да престанат“, додава јОЦИ..
Коментари | пред 2 години
Арсовска рече дека во случајов немало влијание од ниту една политичка структура за оваа одлука, а ниту пак новоназначениот директор на претпријатието Гоце Трајковски има некаква комуникација со некоја политичка структура.
