Борислав Крмов, пратеник од Левица, смета дека премиерот Зоран Заев е заложник на ДУИ. Ова доаѓа како коментар по вчерашното гласање за доверба на Владата предводена од СДСМ и ДУИ.
„Премиерот е скршен човек, сега комплетен заложник на ДУИ и сведен на политички пион. Додека Вицепремиерот Груби е опуштен како на рок концерт, со јасна демонстрација на СИЛА И МОЌ. Тоа ви е новиот Премиер. Но, долга е борбата другари. Не е готово додека не биде готово. Ние сме тука и ќе останеме тука до крај“, напиша Крмов од Левица.
