Претседателот Стево Пендаровски и премиерот Зоран Заев летаа со редовни авионски линии бидејќи владиниот авион е на сервис, потврдиле од Службата за општи и заеднички работи на Владата за СДК.мк од каде рекле дека авионот „лирџет 60“ е на редовен сервис во Нирнберг, Германија.
– Не станува збор за никаков дефект, туку редовен сервис. Авионот треба да биде сервисиран и вратен во земјава другата недела – изјавил директорот на Службата за општи и заеднички работи на Владата Пеце Мирчески за СДК.мк.
Само за потсетување на социјлните мрежи се појавија фотографии како претседателот и премиерот се пофалија дека наместо со владиниот авион се возат со комерцијални летови. Пендаровски на 11 јуни замина во Брисел а Заев во саботата од Виена се врати со комерцијален лет.
