Премиерот Зоран Заев смета дека пописот ќе се одржи и никако поинаку не може, иако дневно има и по 1.000 заразени лица од коронавирусот. Тој се осврна на барањето на Владата, пописот да се одложи за крајот на мај, односно почеток на јуни, што не беше прифатено. Заев кажа дека ако пописот се одржал тогаш, немало да има проблем бидејќи тогаш имало од 4 до 50 заразени дневно.
„Сигурен сум и никако поинаку не треба да размислуваме. Јас молев да биде крајот на мај, почеток на јуни. Опозицијата побара одложување на пописот. Еве го септември. Бројките се над 1.000. Како наближува почетокот на пописот се пополнува бројот на попишувачи. Апелирам до граѓаните да се пријават. Важно е, ова е операција по 20 години која се спроведува. Помеѓу 25.000 и 40.000 денари се приходите за анкетарите кои ќе ја спроведуваат статистичката операција“, рече Заев.
