Зајкова: Свикување на Советот за безбедност и јасна стратегија за заштита на граѓаните од финансиските шокови кои допрва следуваат

Претседателката на Либерално-демократската партија (ЛДП) и пратеничка во Собранието, Моника Зајкова, повика на итно свикување на Националниот совет за безбедност и изработка на јасна економска стратегија за заштита на граѓаните од претстојни финансиски шокови.

— реклама —

Во своја објава на социјалните мрежи, Зајкова предупредува дека светот влегува во сериозна економска турбуленција и дека државите веќе преземаат мерки за справување со инфлацијата, економскиот раст и енергетските предизвици. Таа нагласува дека Македонија не смее да доцни во одговорот на овие процеси.

— реклама —

Како што наведува, таа изминатите денови престојува во Вашингтон, САД, каде учествува на Пролетните состаноци (Spring Meetings 2026) организирани од ММФ и Светската банка.

— реклама —

Во објавата се посочува дека на економските форуми биле презентирани податоци за глобалниот раст и можен пад, како и дека повеќе држави веќе бараат итна финансиска помош поради енергетскиот шок и растот на цените.

— реклама —

Зајкова се повикува и на изјави од директорката на ММФ, Кристалина Георгиева, која предупредила дека кризата ќе има долгорочни последици и дека најсилно ќе ги погоди најранливите категории на граѓани.