Закана за бомба запре траект во Грција: Евакуирани 875 патници

Околу 875 патници биле евакуирани од траект во Грција, кој требало да исплови од пристаништето Пиреја, по дојава дека на бродот има поставено експлозивна направа, пренесува грчкиот портал „Катимерини“.

— реклама —

По евакуацијата на патниците, припадници на крајбрежната стража започнале детална проверка на бродот, со помош на специјално обучено куче за откривање експлозиви.

— реклама —

— реклама —

На траектот се наоѓале и 83 членови на екипажот, а бродот превезувал 89 патнички автомобили, 12 мотоцикли, 110 камиони и еден минибус.

— реклама —

Траектот „Блу Стар 1“ требало да исплови кон Родос во 18 часот по локално време, со попатни запирања на островите Сирос, Патмос, Лерос и Кос.