Закани и демолирани возила во тетовско село, полицијата трага по сторителот

Случај со закани и оштетување на имот е пријавен во тетовското село Порој, каде се демолирани три возила, а сопственикот тврди дека претходно добивал и закани, соопшти Министерството за внатрешни работи.

„На 09.04.2026 во 19:45 часот во СВР Тетово, Ѓ.Б.(42) од с. Порој, тетовско, пријавил дека лицето А.Е. телефонски му упатувал закани на него и на неговите браќа“, соопшти МВР.

— реклама —

Претходно истиот ден, бил пријавен и вандализам врз возила.

— реклама —

„Претходно, во 18:30 часот, Ѓ.Б. пријавил и дека на плац во с. Порој со употреба на тврди и остри предмети биле оштетени две возила „рено меган“ и едно возило „мерцедес“, при што биле искршени стаклата и оштетени пневматиците“, соопшти МВР.

— реклама —

Полицијата извршила увид и работи на расчистување на случајот.

„Екипа на СВР Тетово извршила увид и се преземаат мерки за пронаоѓање на сторителот и расчистување на настанот“, соопшти МВР.