Две лица од скопско се приведени откако, според пријава, едниот од нив репетирал огнено оружје кон 36-годишен маж и членовите на неговото семејство во Старата скопска чаршија.
Од Министерството за внатрешни работи информираат дека на 13 јули околу 13:30 часот полициски службеници од СВР Скопје ги лишиле од слобода А.Х. (60) и И.Х. (27), двајцата од село во Општина Студеничани.
Според пријавата, инцидентот се случил околу 12:40 часот во Старата скопска чаршија, кога А.Х. репетирал огнено оружје кон 36-годишен маж и неговото семејство од скопско, им упатил закани и се обидел физички да ги нападне.
По целосното документирање на случајот, против нив ќе биде поднесен соодветен поднесок.
