Заменик-министерот за здравство Јовица Андовски поднесе оставка

Јовица Андовски повеќе нема да ја извршува функцијата заменик-министер за здравство, откако поднесе оставка од лични причини. Во писмото со кое се повлекува од функцијата, тој му се заблагодари на премиерот Христијан Мицкоски за довербата, поддршката и досегашната соработка.

— реклама —

Андовски наведува дека за него претставувало чест и одговорност да биде дел од Владата и да учествува во унапредувањето на здравствениот систем.

— реклама —

— реклама —

Во оставката тој им посака успех на премиерот и на останатите членови на Владата во нивната понатамошна работа, како и во спроведувањето на заложбите за подобро здравство и поквалитетен живот на граѓаните.

Андовски ја извршуваше функцијата заменик-министер за здравство од почетокот на мандатот на Владата предводена од Мицкоски. Во тој период, на чело на Министерството за здравство се сменија тројца министри – Арбен Таравари, Азир Алиу и актуелниот министер Сашо Клековски.