Запленети 26 парчиња златен накит вреден 1,3 милиони денари на граничниот премин Табановце

Царинските службеници на граничниот премин Табановце спречиле обид за криумчарење на 348 грама златен накит, чија проценета вредност изнесува околу 1,3 милиони денари.

— реклама —

Како што соопшти Царинската управа, случајот бил откриен при детална контрола на автомобил што влегувал во државата. Во возилото патувале сопружници, македонски државјани со живеалиште во Белгија, а во чантата на сопатничката биле пронајдени 26 парчиња златен накит.

— реклама —

— реклама —

Одделението за истраги при Секторот за контрола и истраги поднело кривична пријава против сопатничката поради основано сомнение за сторено кривично дело „криумчарење“, казниво согласно Кривичниот законик.

— реклама —

Од Царинската управа информираат дека од почетокот на годинава се евидентирани 13 случаи на криумчарење злато, при што се запленети повеќе од 2,5 килограми златен накит и златни монети.