Засилена потрага по избеган суспендиран полицаец обвинет за организиран криминал во Црна Гора

Во тек е голема полициска акција на подрачјето на Грахово, во близина на Подгорица, каде што црногорската полиција повторно трага по избеганиот суспендиран полицаец Љубо Миловиќ, пренесува порталот „Адриа“.

— реклама —

Според неофицијални информации, акцијата започнала рано утрово, а на терен се распоредени поголем број полициски сили.

— реклама —

По Миловиќ се трага од јули 2022 година, откако Специјалното државно обвинителство на Црна Гора го осомничи, а подоцна и обвини дека бил дел од криминалната група на наводниот водач на кавачкиот клан, Радоје Звицер, кој исто така е во бегство.

— реклама —

Во меѓувреме, Миловиќ е обвинет и за формирање криминална организација која, според обвинителството, се занимавала со шверц на дрога и перење пари.

— реклама —

Црногорската полиција и претходно спроведуваше акции на подрачјето на Грахово во рамките на потрагата по поранешниот полицаец.