Затворениот базен во Кавадарци добива топлотни пумпи и нова опрема

Затворениот базен во Кавадарци постепено ги добива потребните системи и опрема за да биде целосно функционален, информира градоначалникот на Кавадарци, Митко Јанчев.

— реклама —

Како што објави Јанчев, поставени се топлотните пумпи, а во тек е опремувањето со останатата техничка опрема потребна за современ затворен базен.

Станува збор за системи за греење и одржување на температурата, како и друга опрема неопходна за функционирање на објектот.

— реклама —

„Чекор по чекор, објектот се подготвува за својата намена – спорт, рекреација и пливање во текот на целата година“, порача Јанчев.

— реклама —

Со поставувањето на потребните системи, затворениот базен постепено се подготвува за целосно ставање во функција.