Здравството подготвува план за евентуална ескалација на Хантавирусот, на него работат експерти од повеќе институции

Министерот за здравство, Азир Алиу, изјави дека за првпат е подготвена стратегија за кризно управување со здравствениот систем, во контекст на прашањата дали државата има план за евентуална ескалација на Хантавирусот.

— реклама —

Според Алиу, формирана е експертска група составена од претставници на повеќе институции, која има задача да подготви конкретен план за постапување во услови на здравствена криза.

— реклама —

„Првпат имаме стратегија за кризно управување со здравствениот систем, креирана е група експерти од различни институции, за да направи план, за евентуално ако имаме потреба, да знаеме како да се справуваме со кризата“, рече Алиу.

— реклама —

Тој не откри дополнителни детали за конкретните мерки, но посочи дека целта е здравствениот систем да има подготвен механизам за реакција при евентуално влошување на состојбата.