Клуб на музичари Скопје – Здружение за заштита, едукација и афирмација на музичарите го демантира соопштението на Министерството за внатрешни работи објавено на 20 мај, во кое се велеше дека при контрола во угостителски објект во населбата Аеродром биле затекнати 9 лица, двајца од нив вработени во МВР, кои одбивале да бидат легитимирани. Објектот бил затворен, а лицата однесени во полициска станица каде добиле соодветни пријави. Здружението вели дека тоа не е вистина и ќе бара заштита пред судски инстанци и ќе ги извести амбасадите.
Во прилог Ви го пренесуваме демантот на Клубот на музичари Скопје за настанот случен на 19.05.2021 год. на бул. Јане Сандански бр.9а во Скопје.
