Зеленски ја одби американската понуда: „Не сме идиоти“

Претседателот на Украина, Володимир Зеленски, остро ги отфрли предлозите според кои безбедносните гаранции од САД би биле условени со откажување од регионот Донбас.

— реклама —

Во интервју за германскиот медиум ZDF, Зеленски изјави дека таквите предлози суштински значат капитулација.

— реклама —

„Тие велат гаранциите ќе дојдат по крајот на војната – а војната ќе заврши кога ќе се повлечеме од Донбас. Не сме идиоти. Знаеме што значи тоа“, рече тој.

Зеленски додаде дека дел од американските функционери, меѓу кои Џаред Кушнер и Стив Виткоф, сметаат дека Русија ја добива војната, но оцени дека таквата проценка е погрешна.

— реклама —

И покрај тоа, украинскиот претседател нагласи дека дијалогот со Вашингтон продолжува, додавајќи дека Киев е подготвен на деескалација – вклучително и запирање на нападите врз руската енергетска инфраструктура, доколку Москва возврати со ист чекор.

— реклама —

Тој повтори дека Русија ќе мора да ја плати штетата од војната, било преку договор или преку меѓународни економски механизми, нагласувајќи дека територијалните отстапки не се опција за Украина.