Зеленски побара од Трамп да ја отвори темата за Украина пред Си Џинпинг

Володимир Зеленски денеска го повика американскиот претседател Доналд Трамп да го отвори прашањето за завршување на руската инвазија врз Украина за време на средбата со кинескиот лидер Си Џинпинг.

— реклама —

„Во постојан контакт сме со нашите американски партнери. Им благодариме и се надеваме дека прашањето за војната што Русија ја води против Украина ќе биде споменато кога претседателот на САД ќе биде во Кина“, изјави Зеленски на самитот на земјите од Централна Европа во Романија.

— реклама —

Според „Ројтерс“, војната на Блискиот Исток дополнително ја оттурна украинската криза во втор план, а дипломатските напори за прекин на конфликтот остануваат во застој.

— реклама —

Трамп вчера пристигна во Пекинг, што е прва посета на американски претседател на Кина во последната деценија.

— реклама —

На самитот во Букурешт, Зеленски разговарал и за одбранбената соработка, особено во делот на дроновите, најавувајќи испраќање украински експерти во Латвија за помош во заштитата на воздушниот простор.