Земјотрес со јачина од 3 степени според Рихтеровата скала утринава бил почувствуван во Охридскиот регион.
Според податоците од сервисите за следење на сеизмичка активност, потресот е регистриран во 05:36 часот по локално време. Епицентарот бил на координати 41.04 северна географска ширина и 20.75 источна географска должина, на околу 17 километри североисточно од Поградец во Албанија и 57 километри источно од Елбасан.
Првичните информации покажуваат дека земјотресот бил на многу мала длабочина, поради што бил силно почувствуван од населението во Охрид и околината.
Граѓаните на платформите за пријавување на земјотреси наведуваат дека потресот бил „краток и силен“, додека дел од нив посочиле дека почувствувале тресење на мебелот и креветите.
