Земјотрес го погоди Сараево: Потресот бил краток, но силен

Земјотрес со магнитуда од 2,8 степени според Рихтеровата скала денеска околу 14:15 часот го погоди поширокото подрачје на Сараево, а потресот го почувствувале граѓани во повеќе места во околината.

— реклама —

Според првичните податоци на Европско-медитеранскиот сеизмолошки центар (EMSC), епицентарот бил на околу 21 километар северозападно од Сараево.

— реклама —

Потресот особено го почувствувале жителите на Високо, Бреза и Илијаш, но бил почувствуван и во Сараево, Хаџиќи, Кисељак и подрачјето на Илиџа.

— реклама —

На платформата на EMSC граѓани опишале дека земјотресот бил краток, но интензивен. Жители на Илијаш и Бреза пријавиле силно, но краткотрајно тресење, додека од Високо биле пријавени силен звук и потрес кој траел неколку секунди.

Засега нема информации за повредени лица или материјална штета. EMSC напоменува дека податоците за земјотресите може да се менуваат по обработката на дополнителните мерења од сеизмолошките станици.