Земјотрес од 4,3 степени регистриран на грчкиот остров Евија

Нов земјотрес со јачина од 4,3 степени според Рихтеровата скала утрово го погоди грчкиот остров Евија, само еден ден по серијата потреси што ја вознемирија локалната јавност.

— реклама —

Според податоците на Европско-медитеранскиот сеизмолошки центар, земјотресот бил регистриран во 5:13 часот по локално време. Епицентарот се наоѓал на длабочина од четири километри и на околу 78 километри од Перистери.

Потресот предизвикал загриженост кај жителите на островот, особено по вчерашната засилена сеизмичка активност, кога најсилниот регистриран земјотрес достигнал јачина од 5,2 степени според Рихтеровата скала.

— реклама —

Според информациите на грчките медиуми, засега нема пријави за повредени лица или за материјална штета.

— реклама —

Поради продолжената сеизмичка активност, надлежните власти донеле одлука неколку основни и средни училишта во погодениот регион да останат затворени како превентивна мерка.

Во меѓувреме, противпожарните служби соопштија дека се ставени во состојба на зголемена оперативна подготвеност и внимателно ја следат состојбата на терен.

— реклама —

Сеизмолозите продолжуваат да ја следат активноста во поширокиот регион, додека локалните власти апелираат до граѓаните да ги почитуваат препораките за безбедност.