Земјотрес со магнитуда од 3,1 степен според Рихтеровата скала утрово е регистриран на подрачјето на Босна и Херцеговина.
Потресот бил регистриран во 8:34 часот, а епицентарот се наоѓал во близина на Горажде, односно кај населбата Ковачи. Според достапните податоци, епицентарот бил на координати 43,6895 северна географска ширина и 18,7915 источна географска должина.
Европско-медитеранскиот сеизмолошки центар соопшти дека хипоцентарот бил на длабочина од околу 10 километри под површината на Земјата.
Засега нема информации за повредени лица или материјална штета. Надлежните служби ја следат состојбата.
