Земјотрес со јачина од 6 степени го погоди јужниот дел на Јапонија

Земјотрес со јачина од 6 степени според Рихтеровата скала денеска го погоди јужниот дел на јапонската префектура Окинава, соопшти Јапонската метеоролошка управа.

— реклама —

Епицентарот бил регистриран во близина на оддалечениот остров Јонагуни, додека жариштето било на длабочина од околу 10 километри.

— реклама —

Засега нема информации за жртви или материјална штета, а по земјотресот не било издадено предупредување за цунами.

— реклама —

Јапонија е меѓу земјите во светот со највисок ризик од земјотреси, бидејќи се наоѓа во областа позната како Пацифички огнен прстен, каде што се среќаваат повеќе тектонски плочи.