Земјотрес со јачина од 5 степени според Рихтеровата скала рано утрово го погоди Египет, соопшти Американскиот геолошки завод (USGS), откако првично ја процени јачината на потресот на 5,3 степени.
Според достапните информации, земјотресот се случил околу 3 часот по локално време, на длабочина од 10 километри, во близина на градот Фајед, кој се наоѓа покрај Суецкиот Канал.
Германскиот истражувачки центар за геонауки (GFZ) претходно соопшти дека потресот бил со јачина од 5,1 степен.
Засега нема информации за причинета материјална штета или повредени лица.
Силните земјотреси се релативно ретка појава во северноафриканските земји.
