Земјотрес во Босна и Херцеговина, потресот почувствуван и во Хрватска

Земјотрес со јачина од 3,8 степени според Рихтеровата скала синоќа беше регистриран во југоисточниот дел на Босна и Херцеговина, во близина на градот Требиње.

— реклама —

Според податоците на сеизмолошките служби, потресот се случил кратко по полноќ, по локално време. Епицентарот бил лоциран на околу 11 километри северозападно од Требиње и 72 километри југоисточно од Мостар, на длабочина од 10 километри.

— реклама —

Земјотресот бил почувствуван во поширокото подрачје на источна Херцеговина, а тресењето го почувствувале и жители на делови од јужна Хрватска и Црна Гора поради близината на епицентарот.

— реклама —

Засега нема информации за причинета материјална штета или повредени лица.

Надлежните служби продолжуваат да ја следат сеизмичката активност во регионот.