Земјотрес во Македонија: Потрес од 2,8 степени регистриран меѓу Тетово и Гостивар

Слаб земјотрес попладнево е регистриран во западниот дел на Македонија, во поширокиот регион меѓу Тетово и Гостивар.

— реклама —

Според првичните податоци од апликациите за следење на сеизмичката активност, потресот бил регистриран денеска, 15 август, во 16:10 часот, со локална магнитуда од 2,8 степени според Рихтеровата скала.

— реклама —

Епицентарот, според овие податоци, бил на координати 41,890 степени северна географска широчина и 20,770 степени источна географска должина, во планински предел западно од Тетово и северозападно од Гостивар.

Потресот бил на длабочина од околу 10 километри.

— реклама —

Со оглед на магнитудата, станува збор за послаб земјотрес кој може да биде почувствуван од дел од населението во близина на епицентарот.

— реклама —

Засега нема информации за причинета материјална штета или повредени лица. Се очекуваат официјални податоци од надлежните сеизмолошки институции за точната магнитуда и локацијата на епицентарот.