Жена пронашла торба со оружје на улица во Лондон - ја изгубиле полицајци

Наоружани полицајци кои го чуваат лондонскиот градоначалник Садик Кан заборавиле торба со оружје пред неговата куќа, на што укажала минувачка, пренесуваат медиумите.

Градежникот Џордан Грифитс изјавил за The Sun дека неговата девојка ја пронашла торбата на улица во јужен Лондон во вторник навечер.

— реклама —

Во торбата имало полуавтоматска карабина Heckler & Koch MP5, пиштол Glock, електрошокер и муниција, јавиле весниците.

„Не можев да верувам на своите очи“, изјавил Грифитс за The Sun.

— реклама —

Работникот повикал полиција и им кажал што пронашол, по што за неколку минути дошле по оружјето.

— реклама —

„Му беше кажано дека торбата ја оставил еден од службениците на полицијата за безбедност на Садик Кан, што има смисла бидејќи тој тука живее.“

Полицијата ги потврди неговите наводи и дека оружјето е нивно.

— реклама —

„Се верува дека торбата ја изгубиле дежурните полицајци непосредно пред минувачката да ја пронајде“, соопштија од Метрополитенската полиција.

„Ова е многу сериозен инцидент и е пријавен кај Управата за професионални стандарди на Метрополитенската полиција. Сега мора да се преземат сите мерки за да се обезбеди ваков инцидент повеќе никогаш да не се повтори“, осуди портпаролот на градоначалникот.