Женскиот панк бенд Пуси Рајот започнаа штрајк со глад во затвор во близина на Москва, каде што моментално ја отслужуваат казната, објавија два независни руски новински портали.
Марија Аљокина и Лусија Стајн бараат сместување во една ќелија и можност за комуникација, објави независниот портал Медуза и порталот за граѓански права Овд-Инфо.
Во моментов на двете им е забрането да разговараат во затвор.
И двете жени отслужуваат двенеделни затворски казни за организирање протест за поддршка на затворениот руски опозициски лидер Алексеј Навални на почетокот на овој месец, објави Index.hr.
Членовите на бендот беа апсени од руската полиција во неколку наврати, што често резултираше со затворски казни, бидејќи станаа меѓународно познати по изведувањето на „панк молитвите“ во знак на протест против рускиот претседател Владимир Путин во катедралата Христос Спасител во Москва во 2012 година.
