Жешка ноќ во Будимпешта: Соборен рекорд за највисока минимална температура

Во Унгарија е соборен националниот рекорд за највисока минимална температура, соопшти метеоролошката служба HungaroMet.

— реклама —

На станицата Лаѓмањош во Будимпешта, температурата во текот на ноќта не се спуштила под 27,2 степени Целзиусови, со што се соборени националниот и будимпештанскиот рекорд за највисока минимална температура на 7 август, пренесе МТИ.

— реклама —

Претходниот национален рекорд изнесувал 24,3 степени, а бил измерен во Каб-хеѓ во 2015 година.

— реклама —

Претходниот рекорд во Будимпешта изнесувал 23,5 степени, а исто така бил забележан на станицата Лаѓмањош, во 2013 година.

Ноќта и раните утрински часови во петокот донеле мало освежување во поголемиот дел од земјата, но температурите и во најстудениот дел од денот останале над 25 степени Целзиусови, соопшти HungaroMet.