Жената од Институт за истражување на чума починала од пневмонија, тестовите не покажале опасен патоген

Руската здравствена регулаторна агенција „Роспотребнадзор“ соопшти дека нема епидемиолошки ризик за населението во Иркутската област по смртта на 28-годишна работничка во локален институт за истражување на чума.

Случајот привлече внимание поради тоа што жената работела во институт за истражување на чума, по што се појавиле сомнежи дека можеби била заразена со оваа болест. Руските власти, сепак, наведуваат дека во институтот немало лабораториски инцидент.

— реклама —

Според „Роспотребнадзор“, жената починала од пневмонија со непознато потекло, а во земените примероци не биле пронајдени микроорганизми поврзани со нејзината работа во институтот.

— реклама —

Лицата што биле во контакт со починатата биле тестирани на заразни болести. Резултатите не покажале знаци на инфекција ниту присуство на опасни патогени.

„Превентивните и противепидемиските мерки се спроведени во целост и нема епидемиолошки ризик за населението во Иркутск ниту во Иркутската област“, соопшти „Роспотребнадзор“.

— реклама —

Агенцијата за случајот ја информирала и Светската здравствена организација (СЗО), која од руските власти побарала дополнителни информации согласно со Меѓународниот здравствен правилник.

Белодробната чума е еден од најтешките облици на болеста предизвикана од бактеријата Yersinia pestis. Може да се пренесува преку респираторни капки, а лекувањето со антибиотици може да биде успешно доколку започне навреме.

Рубио бара од Русија транспарентност по сомнителниот случај на чума во Сибир

Американскиот државен секретар Марко Рубио изјави дека Вашингтон внимателно го следи случајот со сомнеж за чума во рускиот сибирски регион Иркутск и побара од Москва да обезбеди повеќе информации, истовремено предупредувајќи да не се шпекулира за потеклото на болеста.Изјавите на Рубио следуваат еден ден откако американскиот претседател Доналд Трамп ја опиша ситуацијата како „голем проблем“ и рече дека Вашингтон внимателно ги следи случувањата во Русија.„Не сакам да гледам дека ова се случува“, и

Свет | пред 3 седмици