Жолт метеоаларм за високи температури ќе важи утре на целата територија на Македонија, а во делови од земјата температурите ќе надминат 40 степени, информира УХМР.
Утре ќе биде сончево и многу топло, со мала до умерена локална облачност. Попладне, главно во планинските региони, ќе има услови за локален пороен дожд и грмежи. Ќе дува слаб до умерен ветер од западен и северозападен правец.
Во Скопје се очекува сончево и многу топло време, со слаб до умерен северозападен ветер.
Од недела се очекува постепено опаѓање на температурите, но времето ќе стане понестабилно. Попладне ќе има пороен дожд, грмежи и засилен ветер, а локално се можни и невремиња со силен ветер и град. Максималните температури ќе се движат од 33 до 40 степени.
Слични услови се очекуваат и во понеделник, кога максималната температура ќе достигне околу 38 степени.
