Зоран Милески Кичеец се пријави за отслужување на казната за случајот „Рекет”.
Директорот на Управата за извршување санкции Јовица Стојановиќ потврди дека Зоран Милески сам се пријавил во извршување на казната.
Зоран Милески е татко на пет деца, а ја издржува и неговата самохрана мајка. Но и покрај тоа, тој неодамна за Охрид 1 истакна дека нема да бара одлагање на казната и дека ќе постапи по актот.
Милевски по приемот на упатниот акт имаше 8 дена да постапи по истиот.
Милевски е осуден во случајот „Рекет“. Тој е единствениот во процесот кој ја призна вината и кој совесно постапи со што придонесе процесот да се скрати и да се олесни постапката на докажување.
