Зошто Халанд на дресот на Норвешка го носи презимето „Браут“?

Додека Норвешка се подготвува за четвртфиналниот натпревар против Англија на Светското првенство, големо внимание привлекува не само играта на Ерлинг Халанд, туку и натписот на неговиот дрес.

— реклама —

За разлика од настапите за Манчестер Сити, каде што на дресот стои само „Haaland“, во репрезентацијата тој настапува под името „Braut Haaland“.

— реклама —

Причината е лична. „Браут“ е неговото средно име, но и моминското презиме на неговата мајка, Гри Марите Браут. Со додавањето на ова име на репрезентативниот дрес, Халанд сакал да ѝ оддаде почит.

Освен по головите, норвешкиот напаѓач е препознатлив и по својот изглед. Неговата долга руса коса и фризурата станаа дел од неговиот имиџ, а гумите за коса што ги носи се претворија во успешен бизнис.

— реклама —

Халанд со години користи гуми за коса од брендот KKNEKKI, а во 2024 година купи и малцински удел во компанијата Bon Dep, која стои зад брендот. Пред Светското првенство беше претставено и специјално издание инспирирано од него, кое брзо беше распродадено.

— реклама —

Норвешкиот голгетер е дел и од повеќе рекламни кампањи, а неговиот тим внимателно го гради имиџот околу неговиот препознатлив изглед, успесите на теренот и автентичноста што ја покажува надвор од него.