10 возачи уапсени низ државата, девет немале положено возачки испит

Десет возачи биле лишени од слобода во текот на изминатото деноноќие поради сомнение за сторено кривично дело „безобѕирно управување возило“, соопшти МВР.

— реклама —

Полициските службеници ги затекнале на различни локации низ државата, а деветмина од нив управувале возила без претходно да положат возачки испит.

Станува збор за Е.И. (22), А.Д. (35) и Г.М. (38) од Скопје, Ш.Р. (22) од селото Света Петка, скопско, Ш.С. (43) и А.П. (24) од Куманово, Ј.К. (18) од селото Богородица, гевгелиско, М.Е. (45) од селото Здуње, гостиварско и Г.В. (60) од Битола.

— реклама —

Десеттиот возач, 30-годишната Е.Д. од струшкото село Делогожда, управувала патничко возило во спротивен правец.

— реклама —

Од МВР информираат дека по целосното документирање на случаите ќе бидат поднесени соодветни кривични пријави.

Од полицијата апелираат до сите учесници во сообраќајот да ги почитуваат правилата и прописите и да не управуваат возило без положен возачки испит, со изречена забрана за управување или под дејство на алкохол.

— реклама —

Целта, како што наведуваат од МВР, е заеднички да се придонесе кон поголема безбедност во сообраќајот.